آهديك قلب ما كذب يوم يغليك
يضخ حبك والغلا في وريده

كل ما ذكرتك فز قلبي يناديك
وعجزت لا أكتب فيك جمله مفيده

لا جيت آبكتب فيك شيء يساويك
أحتارت في كل المعاني الفريده

ما شوف في عيني حروف تحليك
وماعاد باقي حرف لاجلك أعيده

حكمتني حكم الملك للمماليك
وعرش الفكر زكاك وأصبحت سيده

ساكن بقلبي بالغلا بعقد تمليك
وكيفك تعمر فيه والا تبيده

وأنا رآضي أنكان قلبي سكن فيك
عيشت رضى ولا قصور جديده

يافز قلبي حين يطرون طاريك
فزة سجين أحكموا فك قيده

عيني تبي شوفك وقلبي يناديك
وبنك الغلا يزيد لك في رصيده