يابـوي ياغالي واغلى الاصحاب
يانـور دنياي انت جعلـي فديتـك

بوجودك بنتك من الوقت ماتهاب
ولا ضاق بـي الوقت يمي لقيتك

يللي بحنانك كل جرح بي طاب
مـوفيك حقـك لو مهمـا عطيتك

ويمه عطفك مع الوقت ماغاب
انتي الذي لاحتجت للحب جيتك

كل يـوم انا لرضاك يمه طلاب
الجنه تحت رجليك يمه رجيتك

برضيك لو تزعل كل الاقـراب
ياتاج راسي انتي ويانور بيتك

يحـفظك ربي يا اعـز الاحبـاب
وكـل مـافتحت حـولـي لقيتـك

يارب لاتحرمني من اغلى ثنين
من اللي رضاهم هو اكبر همي

لو اكتب لهم من شعري دواوين
صعب اوصف غلاهم ابوي وامي